منتديات أحْلى كِيوت ~


 
الرئيسيةالبوابةدخولالتسجيل

شاطر | 
 

 النسيااان

اذهب الى الأسفل 
كاتب الموضوعرسالة
????
زائر



مُساهمةموضوع: النسيااان   الأربعاء مارس 18, 2009 7:14 am

صحيح اللي تقولينه يصدق من وطى الجمره
تجف بحور عين (ن) من كثر مادمعها هملول
على سنين (ن) على عمر(ن) مضى صار الوفاء ندره
وعز اليوم راع الصدق والكاذب يصول ايجول
وصار القلب والله ياغزل ماينفعه صبره
شكى من ناس يسقى كاس علقم لو صبر ماينول
مراده بالعمر واللي جرى له يزعجه ذكره
خلق ربي لنا النسيان واجروح الزمان اتزول
وكم جربت انا يابنت عندي بالملا خبره
ترى عند السحيمي من تجاريب الزمان حلول
انا احترت بزماني والبشر وآخذت لي عبره
من الماضي من الحاضر ولا انظر للذي مأمول
يجي والا يروح اليوم وان طوّل يجي بكره
اعيش بحاضري وانساه لو بالقلب منه حمول
وكلا له امل واحلام في وقته وله نظره
بدنياه وسنينه والتكيّف غصب والمعمول
بقانون الحياه البيع والشراي للعشره
ولوصارت صفا دايم نمل ونختلف ونقول
رتيبه هالحياه بطبعها باللين والعسره
شكينا بالعسر منها وملينا من المعسول
طبع فينا وكلا له بطبعه ياغزل عذره
وناس اجناس والله عالما بالخلق يالمجمول
يجي لك بالوفاء راع الوفاء مايقبل الغدره
لونّه زل يتعذر بعذ ر(ن) صادق (ن) مقبول
وراع البوق مايافي وهم بالمجتمع كثره
على قدر المصالح دمعهم يجري على المقتول
لاشك اردد اللي قلته اول بالملا فطره
جعل ربي لنا النسيان وجروح الزمان تزول
الرجوع الى أعلى الصفحة اذهب الى الأسفل
 
النسيااان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أحْلى كِيوت ~ :: •!¦[.. المُنتَدَيَآتِ الأدبيَـہْ .. ]¦!• :: •°ۉآבـۃ ٱڵقصېد°•-
انتقل الى: